Studentët, por edhe juristët dhe të inkuadruarit në organet e jurisprudencës dhe strukturave tjera shoqërore, duke lexuar dhe analizuar këtë botim, do të krijojnë bindjen se sa i gjerë është horizonti i koncepteve që kanë themeluar “Të drejtën civile”

Nga Prof.dr.Zineta ASANI

“Hyrje në të drejtën civile”, titullohet botimi i ri i Librit universitar i autorit prof.dr.Osman Kadriu, që doli nga shtypi javën e kaluar. Përmbajtja e këtij teksti universitar është e ndarë në dy pjesë. Në Pjesën e parë trajtohen temat hyrëse dhe të përgjithshme të të drejtës civile dhe në Pjesën e Përgjithshme trajtohen në veçanti institucionet thelbësore të kësaj të drejte. Libri në fjalë paraqet një domosdoshmëri të kohës me qëllim plotësimin e kërkesave të arsyeshme profesionale të rretheve universitare në sferën e interesit për shkencat juridike nga fusha e të drejtës civile.

Materia e përmbledhur në këtë tekst universitar fokusohet në kuptimin e objektit të studimit të të drejtës civile, fillimisht duke u ndaluar tek ecuria historike e lindjes dhe evoluimit të kësaj të drejte, periudhën e kodifikimeve moderne të shek 18 dhe 19, si dhe përpjekjet për kodifikimin e kësaj të drejte në Republikën e Maqedonisë së Veriut. Për më tepër, studimi është fokusuar edhe në specifikat e marrëdhënieve të të drejtës civile të natyrës pasurore tek lëmitë: e drejta sendore, e drejta e detyrimeve dhe e drejta trashëgimore si dhe marrëdhënieve të natyrës jopasurore tek e drejta personale dhe e drejta familjare. Si degë e të drejtës pozitive , e drejta civile është gjithmonë në ecje permanente dhe e përcjell zhvillimin e përgjithshëm shoqëror.

Studentët, por edhe juristët dhe të inkuadruarit në organet e jurisprudencës dhe strukturave tjera shoqërore, duke lexuar dhe analizuar këtë botim, do të krijojnë bindjen se sa i gjerë është horizonti i koncepteve që kanë themeluar “Të drejtën civile”. Në material është përdorur me mjeshtëri metoda krahasuese, e cila ka kërkuar padiskutim, njohuri të së drejtës së huaj. Botimi i këtij teksti kaq të nevojshëm do të shtojë fondin e bibliografisë juridike mbarëshqiptare në rajon e më gjerë.

Falënderim të veçantë për kontributin e tij akademik, autorit, profesorit të nderuar Osman Kadriu.

Libri audio u prodhua përmes bashkëpunimit të tridhjetë e dy Instituteve Kulturore Italiane, secili prej të cilëve dërgoi një regjistrim, në gjuhën e tyre përkatëse, të leximeve të fragmenteve të zgjedhura nga Komedia Hyjnore e interpretuar nga aktorë vendas

Libri zanor “Komedia Hyjnore” i Dante Aligerit do të vij në 33 gjuhë të ndryshme. Ky është një prodhim nga Ministria e Punëve të Jashtme Itali me bashkëpunëtorë ndërkombëtarë për të shënuar 700 vjetorin e vdekjes së Dante. Kjo nismë u mundëson njerëzve të dëgjojnë një përzgjedhje të gjerë të poezisë së tij në 33 gjuhë. Ndër gjuhët e përzgjedhura është edhe gjuha shqipe. Gjithashtu libri audio është i disponueshëm në: italisht, arabisht, bullgarisht, katalanisht, kinezisht, kroatisht, çekisht, anglisht, finlandisht, frëngjisht, galisht, gjermanisht, greqisht, hebraisht, hungarez, indonezisht, japonez, koreane, lituaneze, malteze, norvegjeze, Polake, Portugeze, Rumune, Ruse, Serbe, Sllovake, Sllovene, Spanjolle, Suahili, Turke dhe Ukrainase.

Libri audio është në dispozicion falas në tridhjetë e tre gjuhë në platformat Spreaker, Spotify, Deezer, Applepodcast dhe Googlepodcast në adresën “Dalla selva oscura al Paradiso”. Udhëzimi i dëgjuesve përmes tre pjesëve të Komedisë Hyjnore – Inferno, Purgatorio dhe Paradiso -, është një mënyrë unike për të ndihmuar njerëzit të zbulojnë ose rizbulojnë një poezi të shquar, e cila vazhdon jo vetëm të stimulojë interesin e lexuesve në të gjithë botën, por edhe të frymëzojë artistë, shkrimtarë, muzikantë dhe regjisorë të filmit dhe teatrit.

Libri audio u prodhua përmes bashkëpunimit të tridhjetë e dy Instituteve Kulturore Italiane, secili prej të cilëve dërgoi një regjistrim, në gjuhën e tyre përkatëse, të leximeve të fragmenteve të zgjedhura nga Komedia Hyjnore e interpretuar nga aktorë vendas. Sponsorizuar nga komiteti kombëtar për festimet e Dantes dhe grupi Dante i ADI (Shoqata e Studimeve Italiane), projekti u zhvillua së bashku me Komunën e Ravenës, mbështetur nga dy studiues kryesorë të Dantes, Alberto Casadei (Universiteti i Pizës) dhe Sebastiana Nobili (Universiteti i Bolonjës-Ravenës).