Сакајќи да им порасне косата што побргу, многу жени одлучуваат да не ја шишаат косата со месеци!
Кутикулата, заштитниот слој на косата, невозможно е долгорочно да се сочува здрава, а кога еднаш ќе се оштетат, внатрешните слоеви на косата кои и даваат на косата волумен, флексибилност и еластичност-се разлистуваат, косата пука и невозможно е повторно да оздрави без употреба на ножици.
Сите производи за регенерација се наменети токму за спречување на пукањето, а на веќе испуканите врвови можат да ја поправат штетата само до наредното перење.
Најчести причинители за пукање на косата се:
- Пресилно и пречесто чешлање на косата со лоши и пластични чешли и неквалитетни четки, при што особено е штетно чешлање во спротивен правец, додека главата е наведната надолу, како и тапирање на косата;
- Хемикалии,но не само оние од бојата за коса или средствата за трајна андулација, туку, дури и хлорот од базените;
- Неправилно миење со ефтини, агресивни шампони и сушење со претопол воздух;
- Употреба на гума за коса;
- Излагање на УВ зраците.

Најдобро што можете да направите за својата коса е да ги исечете оштетените врови на секои шест до осум недели за да не се влоши ситуацијата. После тоа посветете и малку повеќе внимание на косата. Немојте да ја четкате кога е мокра, бидејќи тогаш е најчувствителна, само нежно расплеткајте ја со чешел со широки запци, а ако е долга, најдобро е да купите наменска четка во специјализирани прдавници за фризерски прибор. Витканата коса, пак треба благо да се расчешла уште додека на неа е регенераторот. Хемиски третираната коса бара повеке нега и затоа барем еднаш во две недели овозможете и богата, хидратантна маска.
И на крај, внимавајте на исхраната, бидејќи држењето диети кои драстично го редуцираат внесот на маснотијата, сигурно ќе остават трага и на вашата коса.