ПОЧИТУВАНИ!

Иселениците отсекогаш имале волја да помагаат при природни катастрофи или да донираат парични средства и други материјали на најранливите категории граѓани, семејства, институции, болници, старечки домови и друго.

Агенцијата за иселеништво ја подржува хуманоста од страна на иселениците и во иднина планира да даде логистичка поддршка на оваа дејност.

Имено, со цел да се избегнат несаканите ситуации кога се манипулира со донацијата од страна на разни посредници, ве повикуваме сите што сакате да донирате да не информирате, за да го следиме текот на процесот и донацијата да стаса на вистинското место каде е потребно, преку комуникација и контакт со крајната цел.

Нагласуваме дека средствата не треба да се испратат до Агенцијата за иселеништво, која како државен орган не смее да располага со парични и други средства од иселениците, туку само ќе ја прими информацијата од вас и ќе гарантира за успешна хуманитарна акција.

Се надеваме дека на тој начин, државата повторно ќе ја стекне довербата кај иселениците и ќе се зацврстат врските и соработката со своите граѓани во странство.

АГЕНЦИЈА ЗА ИСЕЛЕНИШТВО

Во тек е постапка за подобрување на енергетската ефикасност во гимназијата „Ацо Русковски” во Берово. Активноста, како што информираа од Општината, е дел од реализација на проекти од енергетска ефикасност, преку кој е одобрена апликација за промена на столаријата во беровската гимназија. – Со овој проект предвидено е да биде извршена замена на надворешни и внатрешни прозорци и врати во објектот, согласно доставена проектна документација. Овој проект ќе биде реализиран во рамките на Програмата за намалување на аерозагадувањето на Влада на РСМ, за 2021 година, информираа од Општината. Оттаму додадоа дека активноста е резултат на постојаното аплицирање на јавните повици за реализација на проекти на Општина Берово, применувајќи ги современите трендови за заштита на енергија. – Целта, на оваа мерка, на Владата на Република Северна Македонија, е намалување на трошоците за енергенси, преку спроведување на мерките за ублажување на аерозагадувањето во земјата, а целокупната постапка до избор на најповолен понудувач, ќе се спроведува преку Генералниот секретарјат, при Влада на РСМ, додадоа надлежните од Општина Берово. Преку Програмата за намалување на аерозагадувањето на Владата на РСМ, за 2021 година, како што дополнија за реализација на активностите за промена на столаријата во гимназијата се обезбедени 1,7 милиони денари.

 Ернесто Талви економист и политичар со потекло од Македонија, од март минатата година е нов министер за надворешни работи на Уругвај.

Неговиот татко Мануел е роден во Македонија во семејство на Евреи, а мајка му Сузана е кубанска имигрантка, исто така од еврејско потекло. Мануел на 20 години дошол во Уругвај, бегајќи со братучедите од холокаустот, во кој ги загубил обата родители и трите сестри. Ернесто е роден во Монтевидео.