Градоначалникот Борјанчо Мицевски денес оствари работна средба со директорот на Агенцијата за иселеништво на  РС Македонија, Слободан Близнаковски.

На средбата стана збор за иницијативите и  можностите за соработка помеѓу Агенцијата и Општините, размената на информации, како и за локалните искуства во соработка со наши иселенчки организации.

Во оваа прилика, градоначалникот Мицевски информираше за различни иницијативи од културен аспект што Општина Крива Паланка ги има испланирано и реализирано, но поради воведувањето на  вонредните услови и ширењето на пандемијата со Ковид 19, некои од нив останаа нереализирани.

Во рамки на средбата се разговараше за потребата од унапедување на соработката со иселениците, особено во делот на промоција на локалните потенцијали и можности  за инвестиции во делот на развојот на туризмот и економските бенефити од оваа гранка, како и во делот на земјоделието и погодностите што ги има овој регион во насока на производство и пласирање на готов производ.

Директорот Близнаковски посочи дека Агенција за иселеништво превзема иницијатива за поблиска соработка со општините заради формирање на системска мрежа за собирање на информации за локални стопански капацитети и нивна промоција и презентација пред иселеничките организации во светот.

 Во просториите на Агенцијата за иселеништво, директорот Слободан Близнаковски, оствари средба со директорот на компанијата Тотал Тв, г-дин Никола Тасев.

Во знак на благодарност за донацијата на детски книги и материјали за потребите на најмладата генерација на наши иселеници во дијаспората, директорот Близнаковски и му додели благодарница на г-дин Никола Тасев. Агенцијата за иселеништво оваа донација на детски книги и материјали, ќе ја испрати до нашите најмлади иселеници, како би им помогнале во процесот на изучување на македонскиот јазик. Како многупати до сега Тотал ТВ докажува дека е општествено одговорна компанија во Република Северна Македонија. Основана е и почнала со работа на македонскиот пазар во октомври 2009 година, а преку своjата платформа е најзначаен провајдер на дигитална сателитска телевизија во регионот и Европа.