43.п.н.е година убиен е римскиот оратор, политичар, филозоф и писател Марк Тулиј Цицерон, најголемиот стилист во римската поезија.
1906 година роден е г.г. Доситеј, прв архиепископ охридски и македонски, поглавар на Македонската православна црква.
1909 година во Банско, Пиринска Македонија е роден Никола Јонков Вапцаров, бугарски и македонски пролетерски поет и револуционер.
1941 година Јапонија без најава за војна ја нападна поморската база во Перл Харбур на Хаваите, а неколку часа подоцна претседателот на САД Френклин Рузвелт објави дека неговата земја влезе во Втората светска војна.
1993 година во Скопје умре Блаже Конески, академик, еден од најистакнатите македонски културни дејци, писател, врвен поет и научник, чие творечко истражување даде огромни резултати во македонската литература, во областа на граматиката и во историјата на македонскиот јазик и во областа на културната историја на македонскиот народ.

1704 година умре Џон Лок, англиски филозоф. Во своето најважно дело "Есеј за човековото сознание", ги постави темелите на сознанието како посебна филозофска дисциплина. Тој ја образложи теоријата на емпириското сознание. Роден е на 29 август 1632 година.
1992 година во Собранието на Република Македонија, пратениците го изгласаа Законот за државјанство. Услов за добивање на државјанство е 15-годишен престој.

1851 година умре црногорскиот писател Петар II Петровиќ Његош, владетел на Црна Гора и владика во Српската православна црква. Најпознато негово дело е „Горски венец“.
1918 година во селото Болно, Ресенско, е роден Димитар Богоевски - Мите, народен херој на Македонија, револуционер и поет.
1924 година во Милано, Италија е одржан Првиот меѓународен конгрес на штедилниците. Тој ден е прогласен за Светски ден на штедењето.
1984 година индискиот премиер Индира Ганди пред резиденцијата во Њу Делхи беше убиена од Сики-екстремисти, припадници на личната гарда.
1999 година во Република Македонија се одржаа третите претседателски избори. По прегласувањето во вториот круг, на 5 декември 1999 година, за претседател на Република Македонија е избран Борис Трајковски, втор претседател, по Киро Глигоров, по осамостојувањето на Република Македонија.

1967 година како прва во историјата на космонаутиката, советската атомска меѓупланетарна станица "Венера-4", спушти научна лабораторија на површината на планетата Венера. Со автоматските апарати успешно се испитани атмосферата и површината на планетата.

- Меѓународен ден за борба против корупцијата.
1608 година во Лондон е роден Џон Милтон, англиски поет, еден од најзначајните во светската литература, а според некои, најголем по Шекспир.
1985 година  генералното собрание на Обединетите нации едногласно ја прифати резолуцијата со која сите акти на тероризам се осудени како криминал.
2001 година на 71 година во градот Бризбејн, Австралија, почина македонскиот диригент Ванчо Чавдарски. Тој беше и директор на Македонската филхармонија и многу придонесе за растежот на тој ансамбл, за основањето на Камерниот оркестар на таа институција, како и за афирмација на македонското музичко творештво.