Пејачката и нејзиниот сопруг и продуцент Swizz Beatz, го добија првото заедничко дете. Момчето е родено на 14 Октомври во една болница во Њујорк и беше крстено Idžipt (Египет), потврдила PR службата на парот. Алиша Кис (29) и Касим Дин (32) познат како Swizz Beatz, се венчале во јули, а романтичната церемонија беше одржана на брегот на Средоземното море.Продуцентот од претходните врски има три деца. Дин во четвртокот навечер на неговиот Twitter профил кратко напишал "фала му на Бога за се '" и се чувствува благословено.

Лондон - Британскиот актер Дениел Редклиф сними многу интересен едиторијал за британското списание „Дејзд енд конфјусд“.Дваесет и едногодишниот актер постојано истакнува како сака да се оддалечи од улогата на Хари Потер низ која и натаму многумина го доживуваат, па ја прифати улогата на адвокат во филмот „Тhe Woman in Black“ на режисерката Џејн Голдман.Младиот актер во списанието говореше за тоа како е да се биде славен со 21 година. - Ова е многу важен период за сите нас, бидејќи сакаме да покажеме дека сме сериозни и оти сакаме да го работиме она што не интересира, изјави Дениел за списанието и додаде оти тоа се постигнува со работа со добар режисер и писатели.Редклиф неодамна ја одби улогата на машка проститутка, а ја прифати понудата од Бродвеј каде ќе настапува во мјузиклот „“"How to Succeed in Business Without Really Trying“ (Како да се обидеш во бизнисот без да се потрудиш).

Воздушниот пиштол, кој Шон Конери во улога на Џемс Бонд го држеше на постерот за филмот „Од Русија со љубов“ (1963 година), е продаден на аукција за 277.250 фунти (436.000 долари).
Пиштолот марка „валтер“ достигна десет пати повисока цена од почетната на вчерашната аукција во организација на аукциската куќа Кристи во Лондон.
За разлика од пиштолот на славниот таен агент, костимот на Дарт Вејдер, познатиот негативец од „Војната на ѕвездите“ не најде купувач, иако се очекуваше дека ќе достигне цена од 230 илјади фунти.
На аукцијата за 15 илјади фунти е продадено уште едно парче од оружјето на Бонд. Станува збор за пиштол, кој агентот 007 го користеше во филмот „Човекот со златен пиштол“.
Еден американски колекционер минатиот месец даде 2,6 милиони фунти за автомобилот „астон мартин ДБ5“ од 1964 година, кој Бонд го возеше во филмовите „Златен прст“ и „Операција гром“.
Меѓу останатите холивудски сувенири, кои вчера беа продадени во Кристи се модел на диносаурусот од филмот „Кинг Конг“ (1933) кој беше купен за 25 илјади фунти и металната кутија за црвеното око на компјутерот ХАЛ од познатиот научнофантастичен филм „Одисеја во вселената 2001“, која достигна цена од 17.500 фунти.