65 п.н.е година роден е римскиот литерат Хорациј, најголем римски лирски поет, кој повеќе од сите други грчки или римски поети се одликува со различности во својот поетски израз. Во текот на престојот во Атина подробно ги запозна грчката култура, филозофија и уметност. Дела: „Сатири“, „Песни“ или „Оди“, „Писма“.
883 година Свети Климент Охридски, родоначалник на словенската литература и црковно беседништво, прв оригнален словенски и македонски поет, говорник, преведувач, заштитник на Охрид е назначен за прв словенски епископ на Балканот. - Ден на свети Климент Охридски, патронен празник на Македонската православна црква.
1925 година по неуспешниот пуч на нацистите во Минхен во 1923 година, нивниот водач Адолф Хитлер ја објави книгата "Мојата борба", во која ја разработува националистичката фашистичко-расистичка идеологија на агресивниот германски национализам.
1948 година во Лерин три жени Македонки од селото Екши - Су, Леринско, беа обвинети за соработка со НОФ и со партизаните, за што беа осудени на смрт и стрелани.
1974 година Грците на референдум се изјаснија Грција да стане република, со што беше укината монархијата воспоставена во 1832 година.
1993 година во Скопје, од 9 до 11 декември, во Универзалната сала, се одржа Првиот интернационален фестивал на ромската музика „Шутка фест“.
1995 година во Лондон почна дводневната конференција на која наместо да се основа женевска Мировна конференција за поранешна Југославија, основан е Совет за остварување мир во 40 земји, вклучувајќи ја и СРЈ.
2000 година во Охрид е поставен камен-темелникот за обнова на црквата „Свети Пантелејмон“, која свети Климент ја изградил во 893 година.

1721 година по војните против Отоманското царство и Шведска со кои се зацврсти Русија на Црното Море и Балтикот, Петар Велики е прогласен за цар на цела Русија.
1755 година родена е француската кралица Марија Антоанета, која беше крајно несакана по избувнувањето на Француската револуција во 1789 година. Припишана и е ироничната порака упатена кон гладниот народ: „ Ако немате леб, јадете колач “. Под обвинение дека ја предала Фрација со тоа што била во врска со виенскиот двор, во 1793 година беше погубена на гилотина.
1950 година умре Џорџ Бернард Шо, британски писател, романсиер, музички и драмски критичар и автор на драми кои му носат репутација на најдуховниот драматург во 20. век. Во 1925 година ја доби Нобеловата награда за литература.
1976 година за претседател на САД е избран Џими Картер, кандидатот на Демократската партија.
2003 година свештеникот на американската епископална црква Кенон Џин Робинсон е поставен на должноста бискуп иако јавно се изјасни дека е хомосексуалец.

1831 година роден е шкотскиот физичар Џејмс Клерк Максвел, најголем теориски физичар во 19. век.
1868 година умре италијанскиот композитор Џоакино Антонио Росини, автор на 39 опери.
1882 година во Кавадарци е роден македонскиот револуционер и војвода Добри Даскалов.
1944 година четириесет и втората дивизија на НОВ на Македонија, во содејство со Шеснаесеттата македонска бригада на Кумановската дивизија на НОВ на Македонија и со помош на вооруженото население, го слободија Скопје и со брзо дејство го спречија уривањето на мостовите на реката Вардар и на хидроцентралата „Матка“.
1993 година ден на Македонското друштво на ортопеди и травматолози.
1997 година петнаесет земји меѓу кои и Република Македонија, ја потпишаа Европската конвенција за националностите.
2001 година на патот Прилеп - Велес, кај месноста Каменолом, во сообраќајна несреќа загина Ѓорѓи Котевски, пратеник во Собранието на Република Македонија, новинар и писател.