Интервју со Теодора Стевановска - студент

Во циклусот на интервјуа со успешни македонци во дијаспората, ни претставува чест i задоволство да ви ја претставиме Теодора Стевановска, која од средношколските клупи во гимназијата Раде Јовчевски Кор-чагин, успешно беше примена на три фа-култети, а денес цврсто чекори кон стекнувањето на своето знаење и здобивањето на дипломи.

1. Родена сте во Скопје, своето основно и средно училиште го завршувате во својата татковина, од каде желбата да студирате во странство?
Да, моето основно и средно образование ги завршив со Скопје, и не би го сменила тоа. Годините поминати во гимназијата Раде Јовчевски Корчагин беа едни од најубавите години во мојот живот. Сепак, жел-бата да студирам во странство ја имав уште на по-четокот од моето средно образование. Од секогаш бев спремна за нови предизвици, па се одлучив да се обидам моето образование да го продолжам на еден од најдобрите светски универзитети. Сакав да ги проширам моите граници, да искусам нова култу-ра и нов начин на живеење.

2. Пред да заминете на студии во Шкотска имав-те можност да бидете примена паралелно на три светски универзитети кои се рангирани меѓу првите сто на Шангајската листа -University of Bristol (37), University of Edinburg (21) University college of London

(7). Како се одлучивте да студирате во Шкотска?

Покрај овие три универзитети, подоцна бев приме-на и на University of Groningen во Холандија, кој исто така е во првите 100 универзитети по Шангајската листа. Општо познато е дека колку повеќе опции имаме, толку потежок е и изборот. Така, јас со пону-да од четири универзитети, не знаев како да се одлу-чам, па почнав да истражувам за истите. Заклучив дека Универзитетот во Единбург има најдобра про-грама за Математика, и тоа беше една од главните причини да ја изберам токму Шкотска. Покрај тоа, самиот град Единбург, кој по големина е речиси ист како мојот роден град Скопје, многу ми се допадна и можев да се замислам како да живеам таму.

3. Каде се гледате во иднина по завршување на сту-диите во Шкотска, каде сакате да работите?
Моментално сум во четврта и последна година од моите додипломски студии, па овој период сум во процес на аплицирање за мастер студии по Приме-нета математика. Мојот прв избор е ETH Zurich, кој e 10ти на Шангајската листа, а меѓу универзите-тите на кои што ќе аплицирам се вбројуваат и не-колку во Австрија, Германија и Холандија. Двата дела од применета математика кои најмногу ми го привлекоа вниманието се: финансии и operational research. Така, можам да замислам дека во идни-на една од моите професии би била data scientist

или пак operational research analyst. Секако, не ја исклучувам опцијата да работам на истражувања, како и да откријам ново поле во применета мате-матика кое повеќе ќе ми се допадне за време на моите постдипломски студии.

4. Покрај студирањето во моментов, кои се ваши други интереси? Како го исполнувате слободното време?

Како што споменав, сега сум во четвртата годи-на од моите студии, па најголем дел од времето го посветувам на пишување на мојата диплом-ска и спремање на завршните испити. Покрај тоа, веќе 2 години работам како Resident Assistant во студентскиот дом каде што живеам. Оваа работа вклучува организирање на различни настани за студентите кои живеат во домот, интеракција со нив, достапна помош 24/7, се’ со цел формирање заедница и овозможување пријатен престој на студентите. Константо имам и втора part-time job во различни области, зависно од периодот. Член сум на повеќе societies, во кои што се вбројуваат

MathSoc, YugoSoc, GermanSocи слично.

5. Како е да се студира и живее во странство? Што е предност,а што слабост на ваквото студи-рање?

Да студирам и живеам во странство според мене е една од најдобрите одлуки што сум ги направи-ла. На почетокот навистина беше тешко, бидејќи целосно требаше да се прилагодам на новата сре-дина и сите проблеми и обврски сама да ги среду-вам. Нормално, најголемата слабост на сето ова е тоа што сум далеку од дома, и ми недостасуваат моето семејство и другарите. Велика Британија бара виза за сите туристи што не се од држава што е во Европската Унија, па поради тоа и моите блиски не можат да ме посетуваат често. Но сето тоа ме научи многу нешта, ме направи независна и имаше најголем фактор во моето созревање како личност. Покрај тоа, образованието кое го пружа мојот факултет, можам да кажам дека е незаменливо. Да требаше повторно да бирам, се-когаш би го избрала Универзитет во Единбург. Ми се допаѓа тоа што најголемо внимание се дава на студентот, професорите се достапни за соработка 24/7 и имаат огромно разбирање. Студирањето токму на овој факултет ми отвори и многу врати за понатака. Можностите кои ми ги дава факулте-тот после завршувањето на моите додипломски студии се многубројни и навистина значајни.

6. Дали би останале во Шкотска?

Не би рекла. Точно е дека студирањето тука има многу предности, но не можам да се замислам да живеам во Велика Британија целиот мој живот. Времето и климата воопшто не ми се допаѓаат,

и можам да кажам дека се уште не сум целосно прилагодена на нив. Сакам да патувам, да го ис-кусам животот во различни градови и држави, на различни страни од светот. Мислам дека би може-ла тоа да го правам се’ додека не го најдам најсо-одветно место за мене, каде би сакала да останам да живеам.

7. Што ви недостасува од дома?

Да не почнам да набројувам... се’. Најмногу ми недостасуваат моето семејство и моите другари, потоа храната, дружбата и излегување на кафе се-кој ден, самиот град Скопје, топлината на луѓетo, добро дефинираните годишни времиња...

8. Имате ли можност да контактирате со нашин-ци во Шкотска, со кои ќе си дадете поддршка во живеењето?

Во Единбург сме вкупно 4 студенти од Македонија. Една од нив е мојата најдобра другарка со која што и дојдов тука, а секако имам контакти и со дру-гите двајца. Нормално дека е убаво да се слушне наш јазик, да се зборува за дома и да се споделу-ваат искуства. Тоа имаше многу големо значење за мене посебно во првата година од студиите. И секако, било кога некој од нас да има ајвар, или да открие некој македонски продукт во супермарке-тите, останатите мора да знаат. :

9. На што ве научи живеењето и студирањето во Шкотска?
Живеењето и студирањето во Шкотска, ме напра-вија посилна, независна и ми помогнаа да созре-ам и да се оформам како личност. Сфатив дека единствениот човек на кој што треба да се осло-нам сум јас. Научив да се справувам со предиз-вици и дека за секој проблем има решение. Тука гласот и мислењето на студентот и секоја единка има многу големо влијание, така што повеќе не се двоумам кога треба да прашам нешто или да се изборам за моите права.

10. Што ќе им порачате на сите кои го читаат ова интервју?
Секогаш да го следат својот сон и својата цел и да се стремат кон остварување на истите. Пречките на патот ќе бидат неизбежни, но ако се сака – се’ се може. Секој почеток е тежок, но штом зачекори-те на патот, нема враќање назад, само стремење кон повисокото.