Македонците во Австралија и низ цел свет се гордеат со Ник Малчески

Македонската дијаспора и целата македонска заедница од Австралија со гордост и восхит ја гледаа неверојатната изведба на Ник Малчески додека ги постигна првиот и последниот гол на натпреварот, со што екипата Сиднеј Свонс си ја обезбеди победата на финалето на австралиската рагби лига.

Овој историски и возбудлив натпревар беше следен од речиси 100.000 гледачи на трибините на светски познатиот стадион �Мелбурн Крикет Граунд�. Истиот беше пренесуван и на телевизија низ цела Австралија. Премиерот Џулија Гилард, којашто дојде во Малбурн од Обединетите нации во Њујорк, исто така беше дел од спектаклот.
Ник Малчески е горд Македонец којшто живее во Австралија. Роден е на 15 август 1984 година и првпат настапи во финале на австралиската лига во 2006 година.
-Ник е позитивен пример за младината во Австралија којашто игра рагби или кој било друг спорт. Тој покажа дека успехот е можен доколку се има труд, посветеност и стремеж кон постигнување најдобри резултати, вели Ордан Андреевски за Ник.

Тој додава дека Ник е и амбасадор на македонската младина, култура и идентитет во Австралија.
-Ник покажа дека може да се постигнат голови и да се почитува целата австралиска мултикултурна заедница додека си го почитува своето македонски наследство и идентитет, вели Ордан.
Обединетата Македонска Дијаспора му честита на Ник Малчески за неговите неверојатни достигнувања на натпреварот и нему и на тимот им посакуваат се најдобро во иднина.
-Се надеваме дека Ник и неговиот тим ќе дојдат наскоро во Македонија за да споделат тајните за нивниот успех и со македонската младина, велат тие.

Во просториите на Агенцијата за иселеништво, директорот Слободан Близнаковски, оствари средба со директорот на компанијата Тотал Тв, г-дин Никола Тасев.

Во знак на благодарност за донацијата на детски книги и материјали за потребите на најмладата генерација на наши иселеници во дијаспората, директорот Близнаковски и му додели благодарница на г-дин Никола Тасев. Агенцијата за иселеништво оваа донација на детски книги и материјали, ќе ја испрати до нашите најмлади иселеници, како би им помогнале во процесот на изучување на македонскиот јазик. Како многупати до сега Тотал ТВ докажува дека е општествено одговорна компанија во Република Северна Македонија. Основана е и почнала со работа на македонскиот пазар во октомври 2009 година, а преку своjата платформа е најзначаен провајдер на дигитална сателитска телевизија во регионот и Европа.

Граѓанските активисти од „Штип Арт Актизам“ денеска спроведоа нова акција на терен насловена „Сонот на штипјани“. На неколку локации во градот поставени се табли, на кои се посочени проблемите со кои се соочуваат граѓаните. Пред да ги постават таблите, спровеле онлајн истражување во кое граѓаните ги потенцирале најголемите проблеми со кои се соочуваат во секојдневното живеење.

–ВО НАЈГОЛЕМ БРОЈ, ГРАЃАНИТЕ УКАЖАА НА ПРОБЛЕМОТ СО НЕЧИСТОТИЈАТА И ЃУБРЕТО, НЕБЕЗБЕДНИ ПЕШАЧКИ ПРЕМИНИ И НЕМАЊЕТО НА РАМПИ ЗА ИНВАЛИДНИ ЛИЦА, НЕБЕЗБЕДНИ БУЛЕВАРИ, ТРОТОАРИ КОИ СЛУЖАТ ЗА ПАРКИНГ НАМЕСТО ЗА ПЕШАЦИ, ОСВЕТЛУВАЊЕ НА УЛИЦИ, ПОТРЕБАТА ОД ЗЕЛЕНИ ПОВРШИНИ, ФУНКЦИОНАЛНИ И БЕЗБЕДНИ ДЕТСКИ ИГРАЛИШТА И НЕДОСТАТОК НА КИНО. СОНОТ НА ШТИПЈАНИ СЕ ДА НЕМА СООБРАЌАЕН МЕТЕЖ И ДА ИМААТ ПРООДНИ И БЕЗБЕДНИ БУЛЕВАРИ И ТРОТОАРИ, ЧИСТА ЖИВОТНА СРЕДИНА, ПОВЕЌЕ ЗЕЛЕНИ ПОВРШИНИ ЗА РЕКРЕАЦИЈА И КИНО, СЕ ВЕЛИ ВО СООПШТЕНИЕТО ОД „ШТИП АРТ АКТИВИЗАМ“.

Националната установа Центар за култура „Иљо Антески-Смок" од Тетово доби средства од Министерството за култура со кои ќе се изврши значаен инфраструктуен зафат-реконструкција на покривната конструкција.
-Како установа добивме еден милион денари од Министерството за култура, средства наменети за реконструкција на покривната конструкција-куполата на објектот. Средствата според предвидувањата најверојатно нема да бидат доволни, но ќе побараме уште финансии за да заврши овој значен потфат, истакна Арлинд Хусеини, директор на Центарот за култура.
Хусеини, кој е директор од февруари вели во изминатиот период од околу еден месец откако е назначен со средства на Центарот се работело на уредување на надворешноста и во дворот од заедниот дел од објектот.
-Со средства на Центарот сакам да се уреди предниот дел од фасадата на објектот кој е дотраен. Воедно и слични работи кои ќе помогнат за подобра функционалност и уреденост на објектот, рече Хусеини.
Во зависност од средствата ќе се обиде да го среди и наследениот проблем со третиот кат од административниот дел од Центарот каде нема електирична енергија.
-Електрична енергија нема само на третиот кат. Некаде во декември 2020 се случил дефект по што изгорена е електричната табла со осигуривачи за довод и одвод на струја. Ќе направиме напори да се среди и овој проблем, истакна Хусеини.
Центарот за култура „Иљо Антески Смок"-Тетово е изграден во 1973 година има простор од 6.500 метри квадратни. 

 ПОДАТОЦИ ЗА БИЗНИСМЕНОТ
Име и Презиме
Златко Димчевски
Место на живеење
Geneve, Suisse, Europe

ПОДАТОЦИ ЗА КОМПАНИЈАТА
Име на компанијата
BioScan SA
Адреса
Rue Pré – Bouvier 27
1217 Geneve, Suisse
Телефон
+ 41 22 785 17 00
Факс
+ 41 22 782 94 18
Web adress
www.bioscan.ch
E-mail
info@bioscan.ch
Лице за контакт
Златко Димчевски

Дејност:

Производство на рендген апарати

BioScan SA е компамнија за операционен технолошки развој основан во 1990 година во Женева, Швајцарија од страна на македонскиот иселеник Професор Златко Димчевски. Компанијата има патентирано неколку нови типови на скенери за третман на канцер и радиолошки апарати. Моментално фокусот е насочен кон производство на радиолошки апарати, апарати за радиолошка терапија и апарати за индустриски апликации за недеструктивно теститрање. Производите се модуларно дизајнирани и флексибилни така што се овозможува лесна адаптација на повеќето медицински акцелератори и рендгенски генератори кои може да бидат инсталирани и од други производители.

BioScan SA раполага со иновативна технологија и стручно обучен професионален тим на инжинери кои развиваат ефикасни методологии за производство кои се резултат на моменталните согледувања на пазарот и постојаниот контакт и соработка со реномирани болници, здравствени организации и институти.

BioScan SA е насочен пред се кон побарувањата на потрошувачите за која цел врши производство и изработка на производи по порачка и мерка. Компанијата располага со сертификати за квалитет во производството ISO 9001 и ISO 13485. Компанијата производите ги дистрибуира низ целиот свет.